Í tilkynningu frá Dansskólanum Steps kemur fram að öll keppnisatriðin þeirra hafi komist áfram í gær eftir viðburðaríka keppnishelgi og hafa því tryggt sér keppnisrétt á heimsmeistaramótinu Dance World Cup í sumar.
„Þvílíku hæfileikabúnkt sem við eigum,“ segir í tilkynningunni á Facebook.
Steps hefur keppt á heimsmeistaramóti Dance World Cup síðan 2019 og náði meðal annars þeim árangri að verða heimsmeistarar í jazz og 3. sæti í contemporary árið 2021.
Steps Dancecenter er listdansskóli á Akureyri sem hóf starfssemi sína 1. september 2014. Eigandi er Guðrún Huld Gunnarsdóttir og við skólann starfa 13 danskennarar.
