MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Íþróttir

Nýir samningar gerðir við íþróttafélögin

Eftir Ingibjörg Bergmann·
ska
Hildur Betty Kristjánsdóttir formaður frístundaráðs, Ásthildur Sturludóttir bæjarstjóri, Birna Baldursdóttir formaður SA og Jón Benedikt Gíslason framkvæmdastjóri SA.· kaffid.is

Í gær og í dag hefur verið skrifað undir rekstrarsamninga við Knattspyrnufélag Akureyrar, KA, Hestamannafélagið Létti og Skautafélagi Akureyrar, SA. Samningarnir gilda allir til ársins 2023.

Í samningunum er kveðið á um að félögin sjái um rekstur og hafi umsjón með mannvirkjum í eigu Akureyrarbæjar. Um er að ræða öll mannvirki á íþróttasvæði KA, Akureyrarvöll og vöktun á íþróttahúsi Naustaskóla eftir að skóla lýkur í tilfelli KA, rekstur reiðhallarinnar hjá Létti og rekstur skautahallarinnar hjá SA.

Nýir samningar gerðir við íþróttafélögin
Hildur Betty Kristjánsdóttir formaður frístundaráðs, Ásthildur Sturludóttir bæjarstjóri, Björn Jóhann Jónsson formaður Léttis og Sigfús Helgason framkvæmdastjóri Léttis.

Félögin skulu einnig annast alla þjónustu við almenning og við æfingar og mót á vegum félaganna og annarra sem nýta mannvirkin.

Ákvæði eru í samningunum um að félögunum sé skylt að halda bókhald um reksturinn, skila rekstraráætlunum og ársreikningi til Akureyrarbæjar. Að auki skulu félögin gera grein fyrir rekstrarstöðu tvisvar á ári á sérstökum fundum með þeim starfsmönnum Akureyrarbæjar sem hafa eftirlit með framkvæmd samninganna.

Á næstu dögum verður skrifað undir sambærilega samninga við Íþróttafélagið Þór og Golfklúbb Akureyrar. Þetta kemur fram í fréttatilkynningu frá Akureyrarbæ.

Nýir samningar gerðir við íþróttafélögin
Sævar Pétursson framkvæmdastjóri KA, Ásthildur Sturludóttir bæjarstjóri, Ingvar Gíslason formaður KA og Halla Björk Reynisdóttir forseti bæjarstjórnar.

Tengdar greinar

Uppfært: 22. apríl 2026