Nemendur Oddeyrarskóla gegn einelti
Eftir Ingólfur Stefánsson·

Undanfarið hafa nemendur í 1. bekk Oddeyrarskóla skartað húfum gegn einelti. Húfurnar fengu nemendurnir í gjöf frá skólanum en Linda Óladóttir og Hafdís Bjarnadóttir, kennarar við skólann, prjónuðu þær. Húfurnar eru allar ólíkar, í ólíkum litum og með ólík mynstur til marks um það að við erum öll ólík og hver og einn er einstakur. Á öllum húfunum stendur GEGN EINELTI.
Húfurnar fengu nemendurnir í kjölfar þess að hafa unnið með efni bókarinnar Litla lirfan ljóta eftir Friðrik Erlingsson.
Nemendurnir fengu einnig armbönd frá skólanum líkt og eldri nemendur skólans. Á armböndunum eru rituð einkunnarorð skólans, ÁBYRGÐ-VIRÐING-VINÁTTA og staðhæfingin „Ég legg ekki í einelti“.
Tengdar greinar
Uppfært: 22. apríl 2026










