Minningarsjóður Baldvins Rúnarssonar hefur ákveðið að gefa eina milljón króna til styrktar Garðinum hans Gústa.
Sjá einnig: Fyrsta skóflustungan tekin að Garðinum hans Gústa
Auglýsing - Vilt þú auglýsa hér?
Garðurinn hans Gústa er verkefni sem nokkrir vinir Ágústar H. Guðmundssonar heitins standa að. Markmiðið er að reisa veglegan körfuboltavöll við Glerárskóla og afhenda Akureyrarbæ í nafni Ágústar, þegar aðstaðan verður fullbúin. Ágúst, sem lést í upphafi árs langt fyrir aldur fram, markaði djúp spor í sögu körfuboltaíþróttarinnar á Akureyri og í íþróttastarfi Þórs.
„Það er vel við hæfi að Minningarsjóður Baldvins leggi verkefninu lið þar sem Baldvini var umhugað um uppbyggingu innan póstnúmersins 603,“ segir í tilkynningu frá minningarsjóðnum á Facebook.
