Mynd: Skjáskot
Síðasta vika var góðgerðarvika í Menntaskólanum á Akureyri. Í góðgerðarvikunni söfnuðust 800 þúsund krónur til styrktar Aflinu.
Nemendur og starfsmenn skólans stóðu að alls kyns viðburðum til að safna pening til styrktar Aflsins, samtökum gegn kynferðis- og heimilisofbeldi. Þetta er í annað skipti sem góðgerðarvikan er haldin en í fyrra styrkti nemendafélagið Geðdeild SAk um rúma milljón króna.
Í síðustu viku gekk hópur nemenda yfir Vaðlaheiði og aðrir tveir nemendur eyddu heilum skóladegi í uppblásinni sundlaug. Jón Már Héðinsson skólameistari MA hafði lofað því að ef söfnunin næði 800 þúsund krónum myndi hann klæða sig upp í kisubúning.
Hann stóð við stóru orðin í gær og vakti það mikla kátinu þegar hann gekk inn í Kvosina, samkomusal skólans klæddur sem köttur.
Myndband af þessu sem birtist á Facebook síðu Menntaskólans má sjá hér að neðan.
Sjá einnig:
Góðgerðavika í MA – Menntskælingar ætla að safna milljón króna til styrktar Aflsins
UMMÆLI