María Finnbogadóttir, hin tvítuga A-landsliðskona í alpagreinum, gerði sér lítið fyrir og sigraði á alþjóðlegu FIS móti í svigi í gær. Mótið er ungverskt meistaramót fyrir 16-20 ára keppendur (e. National Junior Championships) haldið í St. Lambrecht í Austurríki.
María var með besta tímann í fyrri ferðinni og þann næstbesta í seinni ferðinni. Að lokum sigraði hún með 52/100 úr sekúndu en þetta er jafnframt fyrsti sigur María á alþjóðlegu FIS móti erlendis.
María er hvergi nærri búin en um helgina keppir hún á stórsvigsmótum í Reiteralm í Austurríki.
UMMÆLI