Khattab Mohammad, fjölskylda hans og aðrir mótmælendur.
Reikna má með að Akureyri taki við annari fjölskyldu flóttafólks til viðbótar við þær fjórar sem komu fyrr á þessu ári. Bæjarráð Akureyrar hefur tekið vel í beiðni frá velferðarráðuneytinu um að taka við fjölskyldunni.
Á bæjarfundi þann 7. nóvember var bæjarstjóra falið að ræða þessi mál við velferðaráðuneytið eftir að bæjarráð tók vel í erindið.
Sjá einnig: Gáfu flóttafólki bíl
Guðmundur Baldvin Guðmundsson, formaður bæjarráðs, sagði í samtali við fréttastofu Rúv fyrr í dag að líklegt væri að fjölskyldan kæmi til Akureyar eins og málin stæðu í dag. Fimm manns eru í fjölskyldunni sem bætast við þá 23 einstaklinga sem komu hingað í janúar.
Sjá einnig: Barnaverndarstofa leitar að fósturforeldrum fyrir börn á flótta
Fjölskyldan sem er væntanleg til Akureyrar er sögð tengd fjölskyldu sem settist að hér fyrr á árinu og þess vegna var óskað eftir því að senda hana hingað. Eins og við greindum frá hér á Kaffinu hefur ein fjölskyldan sem býr hér í bænum hefur staðið fyrir vikulegum mótmælum gegn stríðinu á ráðhústorgi Akureyrar í vetur.
UMMÆLI