Kíghósti hefur greinst í barni sem gengur í Brekkuskóla á Akureyri. Þetta kemur fram í tilkynningu á Facebook síðu Heilbrigðisstofnunar Norðurlands.
Í tilkynningunni segir að þegar smit sé í gangi sé það ástæða fyrir einstaklinga með öndunarfæraeinkenni að fara varlega í umgengni við ung börn, barnshafandi konur og ónæmisbælda einstaklinga.
Ekki er talin ástæða til frekari sóttvarnaraðgerða en að fylgjast með og huga að bólusetningum.
Lesendum er bent á að fylgjast með tilkynningum frá heilbrigðisyfirvöldum. Frekari upplýsingar um kíghósta er hægt að finna með því að smella hér.
UMMÆLI