KA/Þór tryggði sér í dag áfram í næstu umferð Evrópukeppninnar í handbolta með glæsilegum 37-34 sigri á KHF Istogu í Kósóvó.
Stelpurnar unnu báða leikina í einvíginu, samtals 63-56. Sigurinn í dag var aldrei í hættu en KA/Þór leiddu mest með 12 mörkum. Allir útileikmenn liðsins eru komnir með mark í Evrópukeppninni eftir fyrstu tvo leiki liðsins í sögu keppninnar.
Markahæst í liði KA/Þórs í dag var Rakel Sara Elvarsdóttir með sjö mörk. Martha Hermannsdóttir kom þar næst með sex mörk og Unnur Ómarsdóttir skoraði fimm mörk.
UMMÆLI