Fyrsti leikur KA og Akureyrar átti sér stað í kvöld í KA-heimilinu. Gríðarleg stemning var í húsinu en 1078 áhorfendur komu og sáu leikinn.
Akureyri byrjaði leikinn betur og var tveimur mörkum yfir í hálfleik 10 – 12. KA menn komu grimmari í síðari hálfleik og náðu að jafna leikinn fljótlega.
Síðastu 15 mínúturnar voru jafnar og skiptust liðin á að vera í forustu. KA menn voru með eins marks forustu þegar um 20 sekúndur voru eftir af leiknum en þá jafnaði Hafþór Már fyrir Akureyri 20-20 lokatölur, en Hafþór endaði með flest mörk Akureyar 6 talsins. Markmenn liðana, Jovan Kukobat hjá KA og Arnar Þór Fylkisson hjá Akureyri, áttu báðir mjög góðan dag og vörðu vel.
Mörk KA: Ólafur Jóhann Magnússon 4, Jón Heiðar Sigurðsson 4, Dagur Gautason 4, Elfar Halldórsson 3, Jóhann Einarsson 2, Andri Snær Stefánsson 2, Sigþór Árni Heimisson 1.
Mörk Akureyrar: Hafþór Már Vignisson 6, Patrekur Stefánsson 5, Brynjar Hólm Grétarsson 4, Friðrik Svavarsson 2, Karolis Strpus 2, Igir Kopyshnyskyi 1.
Akureyri fékk 5, 2 mínútna brottvísanir á móti 4 hjá KA. Þá fékk KA 6 víti en Akureyri 3.
UMMÆLI