Um næstu helgi fyllist KA heimilið af hressum blakkrökkum þegar KA heldur Íslandsmót í 4., 5. og 6. flokki. Tæplega 40 lið eru skráð til keppninnar sem stendur yfir bæði laugardag og sunnudag. Mótið fer fram í KA heimilinu og Íþróttahöllinni.
Æfingahópur U16 landsliðs stúlkna mun auk þess taka þátt í mótinu sem gestalið en einnig verða æfingar hjá hópnum um helgina undir stjórn Daniele Capriotti landsliðsþjálfara.
Auglýsing - Vilt þú auglýsa hér?
Það verður því mikið blakfjör um komandi helgi og hvetjum við alla sem áhuga hafa að kíkja við í KA heimilinu eða Íþróttahöllinni og sjá efnilega blakara framtíðarinnar.
