Heimir Örn Árnason bætist í þjálfarateymi KA
Eftir Ingibjörg Bergmann·

Heimir Örn Árnason skrifaði í dag undir nýjan samning við handknattleiksdeild KA og mun þjálfa liðið ásamt núverandi þjálfara, Stefáni Árnasyni. Þetta kemur fram í tilkynningu á heimasíðu KA. Heimir Örn lék með KA í vetur en hefur ekki tekið ákvörðun hvort hann muni leika með liðinu á komandi tímabili en hann verður 39 ára í maí.
Samningurinn er til tveggja ára en Heimir býr yfir gríðarlegri reynslu í handboltanum enda hefur hann komið að öllum hliðum leiksins, sem leikmaður, þjálfari og dómari og það allt með góðum árangri.
Tengdar greinar
Uppfært: 22. apríl 2026










