Nú er hægt að bóka símtal og viðtal hjá ýmsum ráðgjöfum og fulltrúum Akureyrarbæjar í gegnum heimasíðu bæjarins. Nýr tímabókunarhnappur er hægra megin á forsíðu vefsins Akureyri.is. Þetta kemur fram í tilkynningu á vef bæjarins.
Áfram verður hægt að bóka símtöl og viðtöl í gegnum þjónustuver Akureyrarbæjar en notendur eru hvattir til að bóka sjálfir í gegnum vefinn. Formið er einfalt í notkun og með þessari nýjung geta íbúar sótt þjónustuna þegar þeim hentar. Þeir sem bóka viðtal fá nú áminningu um tímabókunina með smáskilaboðum í símann sinn deginum áður (SMS).
Hægt er að bóka viðtal hjá:
- Ráðgjafa í félagsþjónustu
- Ráðgjafa í málefnum fatlaðs fólks
- Húsnæðisfulltrúa
- Verkefnastjóra félagslegrar liðveislu
- Launafulltrúa
Hægt er að bóka símtal frá:
- Ráðgjafa í félagþjónustu
- Ráðgjafa í málefnum fatlaðs fólks
- Ráðgjafa í stuðningsþjónustu
- Húsnæðisfulltrúa
- Verkefnastjóra félagslegrar liðveislu
- Ráðgjafa í Barnavernd
- Barna- og fjölskylduráðgjöf
- Launafulltrúa
„Bókunarkerfið er í stöðugri þróun og á næstu mánuðum verður það útvíkkað enn frekar með fleiri möguleikum á tímabókunum hjá ýmsum ráðgjöfum og fulltrúum sem starfa hjá sveitarfélaginu. Markmið Akureyrarbæjar er að veita notendamiðaða þjónustu á öllum sviðum og með innleiðingu stafrænna lausna er þjónustan bætt enn frekar, skilvirkni aukin og aðgengi að hinum ýmsu þjónustuleiðum bætt til muna,“ segir í tilkynningu bæjarins.
UMMÆLI