MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

Guðni Th. lætur veðrið ekki stoppa sig – Keyrði til Akureyrar í morgun

Eftir Ingibjörg Bergmann·
Guðni Th. lætur veðrið ekki stoppa sig – Keyrði til Akureyrar í morgun
Guðni Th. Jóhannesson. Mynd: forseti.is.

Slæmt er í veðri víða um landið og allt innanlandsflug liggur niðri sökum þess. Forseti Íslands, Guðni Th. Jóhannesson, átti bókað flug í dag frá Reykjavík til Akureyrar vegna tveggja viðburða á Akureyri sem hann vildi ólmur mæta á. Annars vegar útgáfuhátíð Einingar-Iðju í Hofi, þar sem saga Einingar-Iðju: „Til starfs og stórra sigra“ – Saga Einingar-Iðju 1906-2004, eftir Jón Hjaltason verður kynnt og útgáfunni fagnað. Og hins vegar vegna viðburðar á vegum Hollvina SAk á Sjúkrahúsinu á Akureyri þar sem ný ferðafóstra verður afhent Sjúkrahúsinu, en þetta er eitt stærsta verkefni samtakanna til þessa og kemur til með að bjarga barnslífum.

Guðni Th. lætur veðrið ekki stoppa sig – Keyrði til Akureyrar í morgun
Svona leit vefmyndavélin út á Öxnadalsheiði kl. 11.45 í dag.

Guðni Th. lætur veðrið ekki stoppa sig og lagði af stað keyrandi, með bílstjóra sínum Ríkarði Ríkarðssyni, snemma í morgun. Forsetinn er staðráðinn að mæta á viðburðina í dag og er væntanlegur til Akureyrar nú um hádegi þrátt fyrir verulega vont veður á leiðinni.

Sjá einnig:

Afhenda sjúkrahúsinu á Akureyri 30 milljóna króna ferðafóstru á laugardaginn
Útgáfuhátíð Einingar-Iðju í Hofi

Tengdar greinar

Uppfært: 22. apríl 2026