MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fólk

Grafíklistaverk úr safni Hildar og Guðmundar Ármanns

Eftir Ingólfur Stefánsson·
grafik garmann hildur
kaffid.is

Föstudaginn 13. september næstkomandi klukkan 16 opnar sýning á grafíslistaverkum úr safni hjónanna Hildar og Guðmundar Ármanns í Deiglunni á Akureyri. 

Á sýningunni verða yfir 40 grafíklistaverk eftir hina ýmsu grafíklistamenn bæði íslenska og erlenda. Grafíkverkin koma mörg af skiptum við samnemendur frá námsárum Guðmundar Ármanns og kollegum í grafíkinni, önnur hafa hjónin keypt á síðari árum. Einnig eru mörg verkanna gjafir frá listamönnum og Safnasafninu á Svalbarðsströnd.

Aðeins brot af safni þeirra hjóna verður á sýningunni og var það þeirra ákvörðun að sýna einungis grafíklistaverk sem vitað er að viðkomandi listamaður hafi unnið sjálfur á þrykkplöntuna. Meðal annars eru verk á sýningunni eftir Ástu Sigurðardóttur, Jón Engilberts, Braga Ásgeirsson, Einar Hákonarson og Dröfn Friðfinnsdóttur.

Á sýningunni verða einnig þrykk, dúkristur eftir óþekkta bókagerðamenn sem skornar voru í linoleumdúk og voru skreytingar við frásagnir, sögur eða annað myndefni sem birtist í dagblöðum eða öðru prentverki, dúkristur sem Guðmundur Ármann bjargaði þegar prentverk Odds Björnssonar hætti hæðaprenti og skipti yfir í offsetprent. Þessar dúkristur þrykkti Guðmundur Ármann sjálfur og með sýningu á þeim vill hann benda á tengsl grafíklistarinnar við prentverk á Íslandi. Eitt þekktasta dæmið um þetta er frá 1913, en þá birtust slíkar myndar á forsíðu Morgunblaðsins um hið þekkta sakamál sem nefndist Dúksmálið.

Í dag er staða listgrafíkurinnar slík að engin formleg kennsla er á Íslandi fyrir utan einstaka námskeið, sem grafík listamenn, félagið Íslensk grafík og nokkrir grunn- og framhaldsskólar landsins standa fyrir. Þetta er grafalvarleg staða fyrir þessa merku grein myndlistar að mati þeirra hjóna. Ísland er langt á eftir þeim löndum sem við viljum helst bera okkur saman við. Nýverið var sent ákall til menntamálayfirvalda á norðurlöndunum frá öllum grafíkfélögum þar um að takmarka ekki tækifæri listamanna til að mennta sig til doktors í grafíklistinni.

Með sýningunni vilja Hildur og Guðmundur Ármann vekja athygli á grafíklistinni og stöðu hennar á Íslandi.

Sýningin stendur aðeins þessa einu helgi.

Tengdar greinar

Uppfært: 25. apríl 2026