Skautafélag Akureyrar tryggði sér Íslandsmeistaratitil í gærkvöld með 5-1 sigri á Fjölni í þriðja leik úrslitakeppninnar í Hertz-deild kvenna. SA vann einvígið 3-0 og tryggði 21. Íslandsmeistaratitilinn í sögu félagsins örugglega.
Titillinn er einnig sá sautjándi sem liðið vinnur í röð. Þrátt fyrir að titillinn hafi verið verðskuldaður þurftu SA konur að hafa mikið fyrir honum. Leikirnir við Fjölni voru jafnir allt tímabilið og margir ungir leikmenn spiluðu stór hlutverk í SA liðinu.
Íslandsmeistaratitillinn var eins og áður segir sá 21. í sögu félagsins og þá var aldursforseti liðsins, Jónína Margrét Guðbjartsdóttir, einnig að vinna sinn 21. titil en hún hefur spilað í liðinu frá upphafi deildarkeppninnar.
UMMÆLI