Einn lagður inn með Covid-19
Eftir Rakel Guðmundsdóttir·

Karlmaður á fimmtugsaldri hefur verið lagður inn á Sjúkrahúsið á Akureyri með COVID-19. Líðan mannsins er sæmileg og hann er ekki á öndunarvél. Þetta kemur fram á fréttastofu RÚV.
Sjá einnig: Engin útbreiðsla frá þremur smitum á Sjúkrahúsinu á Akureyri
Maðurinn var á þrettánda degi veikinda og var lagður inn á Covid legudeild til eftirlits. Hann er eini sjúklingurinn sem liggur inni á Sjúkrahúsinu á Akureyri með COVID-19 og jafnframt sá fyrsti sem er lagður þar inn í núverandi bylgju faraldursins.
Samkvæmt nýjustu tölum eru 78 í einangrun með COVID-19 á Norðurlandi eystra og 92 í sóttkví.
Tengdar greinar
Uppfært: 25. apríl 2026










