MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Íþróttir

Dagur Gautason verður hjá KA næstu tvö árin

Eftir Ingólfur Stefánsson·
Dagur ásamt Hadd formanni handknattleiksdeildar KA og Stefáni þjálfara liðsins. Mynd: KA.is

Handboltakappinn efnilegi Dagur Gatuason skrifaði í gær undir tveggja ára framlengingu á samningi sínum við KA. Dagur fagnaði 18 ára afmæli sínu í gær en þrátt fyrir ungan aldur hefur hann spilað stórt hlutverk í liði KA í Grill 66 deildinni í handbolta í vetur.

Dagur hefur spilað alla 15 leiki KA í deildinni í vetur og skorað 60 mörk. Dagur spilar einnig stórt hlutverk í varnarleik liðsins. Þá spilar hann stöku leiki fyrir Ungmennalið KA og 3. flokk félagsins.

Í tilkynningu á vef KA segir:

Dagur er mjög efnilegur og eru KA-menn gríðarlega ánægðir að fá að njóta krafta hans að minnsta kosti út tímabilið 2020. Hann er frábær fyrirmynd, innan sem utan vallar og með gríðarlega stórt KA-hjarta.

Stefán Árnason, þjálfari KA, lýsti yfir mikilli ánægju með að Dagur skyldi skrifa undir þennan samning á afmælisdaginn sinn og hafði þetta um málið að segja á heimasíðu félagsins:

„Það er mikið ánægjuefni að Dagur Gautason hafi skrifað undir þennan samning með okkur. Samningurinn er afar mikilvægur fyrir félagið og þá vinnu sem er í gangi. Við ætlum að búa til lið hérna hjá KA sem verður meðal bestu liða á Íslandi og sú staðreynd að Dagur sé tilbúinn að skuldbinda sig í það verkefni er gífurlega mikilvægur liður í þeirri vegferð.“

Tengdar greinar

Uppfært: 22. apríl 2026