Birgir Baldvinsson hefur skrifað undir nýjan þriggja ára samning við knattspyrnudeild KA og er nú samningsbundinn út sumarið 2027. Þetta kemur fram í tilkyningu á vef KA.
„Þetta eru stórkostlegar fréttir enda hefur Biggi verið gríðarlega öflugur í gula og bláa búningnum og afar jákvætt að halda honum innan okkar raða,“ segir í tilkynningu KA.
Biggi sem er 23 ára gamall vinstri bakvörður er uppalinn hjá KA og hefur leikið 31 leik fyrir félagið í deild, bikar og evrópu. Meðfram því að leika með KA hefur Biggi stundað krefjandi nám í Bandaríkjunum en vegna námsins hefur hann þurft að yfirgefa herbúðir KA á miðju sumri í ár sem og í fyrra.
Biggi lék sinn fyrsta meistaraflokksleik fyrir KA sumarið 2018 en hann lék á láni sumrin 2020-2022 með Aftureldingu og Leikni þar sem hann vakti verðskuldaða athygli fyrir framgöngu sína. Þá hefur hann verið að leika með háskólaliði Wisconsin á meðan náminu ytra stendur yfir.
UMMÆLI