Ávaxtakarfa Verkmenntaskólans fær góðar viðtökur
Eftir Ingólfur Stefánsson·

Um helgina frumsýndi leikfélag Verkmenntaskólans á Akureyri Ávaxtakörfuna í Hofi. Viðtökurnar voru mjög góðar og fékk leikhópurinn og aðrir aðstandendur sýningarinnar mikið lof fyrir hana.
Guðni Th. Jóhannesson var viðstaddur frumsýninguna og var afar ánægður með sýninguna. Á Facebook síðu sinni segir hann: „…og síðan náði ég að vera við frumsýningu leikfélags Verkmenntaskólans á Akureyri á Ávaxtakörfunni, barnaleikritinu vinsæla og djúpvitra. Allt fannst mér þar til fyrirmyndar, leikur, söngur, sviðsmynd, förðun og hvaðeina.“
Tvær sýningar fara fram næsta sunnudag og miðasala er á mak.is
Tengdar greinar
Uppfært: 22. apríl 2026










