MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

Auglýsa sérstaklega eftir konum

Eftir Ingólfur Stefánsson·
Auglýsa sérstaklega eftir konum

Slökkvilið Akureyrarbæjar og Umhverfismiðstöð hafa auglýst störf til umsóknar þar sem sérstaklega er óskað eftir kvenfólki til starfa.

Fram kemur á vef Akureyrarbæjar að þetta sé gert á grundvelli 26. greinar laga um jafna stöðu og jafnan rétt kvenna og karla. Einnig er vísað til samþykktar bæjarstjórnar Akureyrar um jafnréttismál við ráðningu í störf.

„Reynt er að forðast það að til verði karla- eða kvennavinnustaðir en verulega hefur hallað á hlut kvenna hjá umhverfismiðstöð og Slökkviliði Akureyrar og því er nú auglýst sérstaklega eftir konum til starfa á þesum stöðum,“ segir á vef Akureyrarbæjar.

Slökkvilið Akureyrar óskar eftir að ráða konur í störf slökkviliðs- og sjúkraflutningamanna í afleysingar. Um er að ræða afleysingastörf vegna sumarleyfa starfsmanna 2018 við sjúkraflutninga, slökkvistörf og önnur almenn störf slökkviliðsins. Gera má ráð fyrir 5-7 mánaða starfstíma.

Umhverfismiðstöð auglýsir eftir konum í fjölbreytt og skemmtileg sumarstörf við fegrun bæjarins og umhirðu bæjarlandsins en þá er átt við götur og gangstéttir, garða og opin svæði.

Tengdar greinar

Uppfært: 22. apríl 2026