Anna María og Rakel verðlaunahafar á Norðurlandameistaramóti ungmenna í bogfimi
Eftir Ingólfur Stefánsson·

Anna María Alfreðsdóttir í íþróttafélaginu Akur á Akureyri vann brons í trissuboga kvenna U21 á Norðurlandameistarmóti ungmenna sem haldið var í gær á Haukavelli í Hafnarfirði. Anna María skoraði 606 stig og vantaði ekki mikið upp á að hún hefði tekið silfur á mótinu.
Rakel Arnþórsdóttir í ÍF Akur vann brons í sveigboga í 21 árs flokki. Sá flokkur var sérstaklega búinn til fyrir þetta mót svo að einstaklingar á síðasta ári í ungmennaflokki árið 2020 gætu tekið þátt en NUM 2020 var aflýst sökum heimsfaraldursins.
Alls voru 230 þátttakendur á Norðurlandameistaramóti ungmenna í bogfimi um elgina en Ísland átti 19 keppendur á mótinu.
Tengdar greinar
Uppfært: 25. apríl 2026










