Ánægja með lokun göngugötu í sumar
Eftir Ingólfur Stefánsson·

Meirihluti bæjarbúa er ánægður með lokun göngugötunnar í sumar, samkvæmt nýrri netkönnun sem Rannsóknarmiðstöð Háskólans á Akureyri framkvæmdi fyrir Akureyrarbæ. Þetta kemur fram í tilkynningu á vef bæjarins.
Spurt var um viðhorf til staðhæfingarinnar: „Mér líkaði vel þessar breytingar sem gerðar voru í sumar.“ Rúmlega 76% svarenda voru mjög sammála eða frekar sammála staðhæfingunni.
Í sumar var göngugötunni lokað fyrir umferð vélknúinna ökutækja alla daga, allan sólarhringinn, frá 3. júní til loka ágúst. Aðgengi var þó tryggt fyrir P-merkta bíla, ökutæki viðbragðsaðila og aðföng rekstraraðila á afmörkuðum tíma dags.
Hér er hægt að skoða könnunina.
Tengdar greinar
Uppfært: 25. apríl 2026










