MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Fréttir

„Alvarlegt ástand í tengslum við flug um Akureyrarflugvöll“

Eftir Ingólfur Stefánsson·
Skärmavbild 2023-02-14 kl. 14.56.54
kaffid.is

Njáll Trausti Friðbertsson, alþingismaður Sjálfstæðisflokksins í Norðausturkjördæmi, segir ástandið í tengslum við flugeldsneytisbirgðir á Akureyrarflugvelli vera alvarlegt. Hann segir að bæta úr því fyrirkomulagi sem nú er til staðar.

„Nú styttist í að verkfall olíuflutningabílstjóra innan raða Eflingar hefjist. Á Akureyrarflugvelli eru tankar sem rúma einungis 120.000 lítra. Fyrir rúmum 30 árum var staðan í tengslum við flugeldsneyti (Jet 1A) á Akureyri mun betri. Á þeim tíma var geymt umtalsvert meira magn á tönkum í olíubirgðastöðunni í Krossanesi. Það var mikil afturför þegar því var hætt,“ skrifar Njáll á Facebook.

„Í dag er öllu flugeldsneyti keyrt norður að mér skilst frá Helguvík. Allt eldsneyti fyrir innanlandsflugið og flugið til og frá landinu er flutt inn um olíubirgðastöðina í Helguvík. Mannvirkjasjóður Atlantshafsbandalagsins fjármagnaði þær framkvæmdir á sínum tíma.“

Hann segir þetta vera veikleika í tengslum við öryggismál þjóðarinnar.

„Úr þessu þarf að bæta, þegar mikið er að gera í millilandaflugi um Akureyrarflugvöll eins og núna í febrúar þá duga núverandi olíugeymar til fjögra daga.“

https://www.facebook.com/plugins/post.php?href=https%3A%2F%2Fwww.facebook.com%2Fnjall.fridbertsson%2Fposts%2Fpfbid0bxofLPVuM1JPTBcZE6jrgBSQSLEbxdkc2BXY8jFbpy6nZ9Qa8uUJmc84wGj45s2Nl&show_text=true&width=500

Tengdar greinar

Uppfært: 25. apríl 2026