MAK
Leyni
Höldur
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Sparisjóðirnir
Íþróttir

Ævarr Freyr Birgisson er blakmaður ársins 2024

Eftir Ingólfur Stefánsson·
ævarr freyr birgisson
kaffid.is

Ævarr Freyr Birgisson hefur verið valinn blakmaður ársins 2024 af Blaksambandi Íslands. Ævarr er uppalinn í KA á Akureyri en hefur spilað fyrir Odense Volleyball í dönsku blakdeildinni undanfarin sjö tímabil.

Í vor varð Ævarr bæði Bikar- og Danmerkurmeistari með Odense annað árið í röð en hann á að baki hátt í 200 leiki í deildinni sem gerir hann einn af reynslumestu leikmönnum liðsins. Ævarr hefur leikið í stöðu kantsmassara síðustu tímabil en spreytir sig í stöðu frelsingja þetta tímabil og stendur liðið í öðru sæti deildarinnar á þessum tímapunkti.

Ævarr Freyr hefur leikið 48 leiki með Blaklandsliði íslands en þetta er í 4. sinn sem Ævarr hlýtur nafnbótina blakmaður árins.

„Þó að Ævarr sé sjaldnast hávaxnasti leikmaðurinn á vellinum þá er það tæknileg frammistaða og taktískt innsæi sem gerir hann að lykilleikmanni íslenska landsliðsins. Frammistaða hans í móttöku, leikfærni og leiðtogahæfileikar á vellinum hafa gert gæfumuninn síðustu ár í stígandi uppleið íslenska karlalandsliðsins. Ævarr er mikil fyrirmynd liðsfélaga sinna, er skuldbundinn liðinu og viljugur í að miðla reynslu sinni áfram,“ segir í tilkynningu Blaksambands Íslands.

Tengdar greinar

Uppfært: 25. apríl 2026