Grátlegt jafntefli hjá Cardiff
Boltinn rúllaði víða um Evrópu á öðrum degi jóla og voru nokkrir Akureyringar í eldlínunni.
Fótbolti
Aron Einar Gunnarsson lék allar 90 mínúturnar þegar Cardiff gerði 2-2 jafntefli við Brentford í ensku B-deildinni eftir afar dramatískar lokamínútur. Kenneth Zohore kom Cardiff í 1-2 á síðustu mínútu venjulegs leiktíma en heimamönnum tókst að jafna metin í uppbótartíma. Svekkjandi úrslit fyrir Cardiff sem er nú fjórum stigum frá fallsvæðinu.
Sjá einnig: Tveir Akureyringar meðal 200 bestu knattspyrnumanna heims
Handbolti
Arnór Þór Gunnarsson og félagar í Bergischer sóttu eitt besta handboltalið heims heim þegar þeir mættu lærisveinum Alfreðs Gíslasonar í Kiel. Kiel vann fjögurra marka sigur, 24-20. Arnór Þór var næstmarkahæstur í liði Bergischer en hann skoraði þrjú mörk úr sex skotum.
Oddur Gretarsson gerði tvö mörk úr sex skotum þegar lið hans, Emsdetten, gerði jafntefli við Eisenach í hörkuleik. Lokatölur 29-29.
Atli Ævar Ingólfsson skoraði þrjú mörk í þægilegum sigri Savehof á Hammarby í sænsku úrvalsdeildinni.
Sjá einnig
Aron Einar í nærmynd – Atli og Palli gerðu mig að þeim íþróttamanni sem ég er
UMMÆLI