Aron Einar spilaði allan leikinn í 2-1 sigri.
Aron Einar Gunnarsson lék allan leikinn fyrir Cardiff sem vann 2-1 heimasigur á Wolverhampton Wanderers í ensku B-deildinni í fótbolta í kvöld.
Leikurinn byrjaði ekki vel fyrir Cardiff því gestirnir komust yfir strax á 2.mínútu. Þeir héldu forystunni allt þar til á 68.mínútu þegar Matt Connolly jafnaði fyrir Cardiff. Anthony Pilkington tryggði Cardiff svo öll þrjú stigin með marki skömmu fyrir leikslok.
Sigurinn fleytir Aroni og félögum upp úr fallsæti og upp í 19.sæti en alls leika 24 lið í ensku B-deildinni.
Sjá einnig
Aron Einar í nærmynd – Atli og Palli gerðu mig að þeim íþróttamanni sem ég er
UMMÆLI