Sænska tískufataverslunin Hennes & Mauritz, betur þekkt sem H&M, opnar 2000 fermetra verslun á Glerártorgi á Akureyri þann 3. september næstkomandi. Fyrirtækið opnaði fyrst verslun á Íslandi í Smáralind 2017 en kemur nú norður og er verslunin á Akureyri sú fyrsta á landsbyggðinni. Verslunin verður sú fjórða í röðinni á Íslandi en fyrir eru þrjár verslanir nú komnar á höfuðborgarsvæðinu.
„Við erum afar spennt fyrir því að opna verslun utan höfuðborgarsvæðisins og að geta boðið viðskiptavinum okkar á Norðurlandi upp á gæði og sjálfbærari tísku á góðu verði. Við erum þakklát fyrir viðtökurnar á Íslandi og nýja verslunin á Glerártorgi er frábær viðbót í hóp verslana okkar á landinu,“ segir Moritz Garlich, svæðisstjóri H&M á Íslandi, í Finnlandi og Noregi, í samtali við mbl.is.
Hennes & Mauritz rekur yfir 5000 verslanir í heiminum og hjá þeim starfa yfir 125.000 manns í 74 löndum.
UMMÆLI