Sérbúningsklefi og klefi fyrir fatlað fólk í Sundlaug Akureyrar

Þrátt fyrir að Sundlaug Akureyrar sé lokuð almenningi um þessar mundir vegna Covid-19 er þar nóg um að vera. Á vef Akureyrarbæjar segir að þessi óvenjulegi tími sé notaður til nauðsynlegra framkvæmda og kærkominna breytinga í Sundlauginni.

Þar segir að um leið og sundlauginni hafi verið lokað hófust framkvæmdir innanhús. Á verkefnalistanum sé meðal annars að lagfæra búningsklefa og sturtur.

Aðgengi að salernum verður stórbætt í kvennaklefa, skipt um skilrúm og setbekkir við skápa endurnýjaðir.

Þá verður á 2. hæð útbúinn sérbúningsklefi og klefi fyrir fatlað fólk með aðstöðu fyrir aðstoðarmann.

Myndir af framkvæmdum í Sundlauginni og á Amtsbókasafninu má sjá á vef Akureyrarbæjar með því að smella hér.