Þórsarar tryggðu sér sæti í Olís deildinni

Handboltalið Þórs mun spila í Olís deildinni í handbolta á næsta tímabili. Þetta varð ljóst eftir öruggan 35:23 sigur liðsins á Fjölni U síðastliðinn föstudag.

Þórsarar eru nú með átta stiga forskot á Val U á toppi Grill 66 deildarinnar. Ungmennalið félaga geta ekki tryggt sér sæti í efstu deild.

Næsta vetur munu Þórsarar því spila í efstu deild í fyrsta sinn síðan árið 2006. Þór lék und­ir merkj­um Ak­ur­eyr­ar í fyrra en KA og Þór slitu sam­starfi sínu eft­ir tíma­bilið 2017-18. Þau höfðu leikið sem Ak­ur­eyri hand­bolta­fé­lag frá ár­inu 2006.