Bæjarfulltrúar Akureyrar funduðu í dag með SÁÁ ásamt Ásthildi Sturludóttur bæjarstjóra. Umræðuefnið var staða göngudeildarinnar á Akureyri sem á að loka um áramótin.
Sjá einnig: Fordæma áform SÁÁ: „Þetta er með öllu óþolandi”
Hilda Jana Gísladóttir, oddviti Samfylkingarinnar á Akureyri, greindi frá fundinum á Facebook síðu sinni í dag. Hún segir að lokun göngudeildarinnar megi ekki gerast og þau muni gera allt sem þau geti til að koma í veg fyrir hana. Næst á dagskrá sé fundur með heilbrigðisráðherra.
Bæjarstjórn Akureyrar lýsti á dögunum yfir óánægju með þau áform SÁÁ að loka göngudeild sinni á Akureyri næstu áramót. Lítið hefur gengið hingað til í viðræðum Akureyrarbæjar við ríkið og SÁÁ um að tryggja starfsemina áfram á Akureyri.
UMMÆLI