Mynd: Norðurorka
Borun Norðurorku eftir heitu vatni í Eyjafirði sem hófst snemma í sumar er nú lokið. Borað var á mörkum Hrafnagils og Botns í Eyjafirði.
Skemmst er frá því að segja að borunin skilaði engum árangri og eru bormenn á vegum Ræktunarsambands Flóa og Skeiða farnir af svæðinu.
Farið var niður á 1905 metra dýpi þegar borun var hætt en fram kemur í frétt á vef Norðurorku að borunin hafi gengið afar erfiðlega og gefið nánast ekkert vatn. Það sé því ljóst að holan verði ekki virkjuð.
Þar sem framkvæmdum er nú lokið mun Norðurorka á næstu vikum fara í frágang í og við borsvæðið.
UMMÆLI