Þór/KA spilaði síðasta leik sinn í Pepsi deildinni í gær þegar liðið tapaði fyrir Stjörnunni 2-0 í Garðabæ.
Strax eftir leik tilkynnti KSÍ niðurstöður úr kjöri á besta leikmanni deildarinnar.
Sandra María Jessen, úr Þór/KA, var valin besti leikmaður Pepsi deildar kvenna fyrir tímabilið 2018, en það eru leikmenn sjálfir sem velja.
Sandra María er fyrirliði og algjör lykilmaður í Þór/KA en liðið endaði í 2. sæti deildarinnar í sumar og er í 32 liða úrslitum Meistaradeildarinnar.
Hún skoraði 14 mörk í 18 leikjum með Þór/KA og endaði sú þriðja markahæsta.
Sandra María fær afhent verðlaunin á lokahófi Þór/KA þann 28. september næstkomandi.
Lokastaðan í Pepsi deild kvenna 2018
UMMÆLI