Rúnar Freyr Rúnarsson, eða Rúnar Eff eins og hann er betur þekktur, hefur slegið rækilega í gegn sem tónlistarmaður síðustu ár. Rúnar átti sérstaklega annasamt ár í fyrra þegar hann tók m.a. þátt í Söngvakeppni sjónvarpsins, forkeppni Eurovision. Rúnar komst í úrslit með lagið: Mér við hlið, sem hann samdi og flutti sjálfur.
Auk þess gaf Rúnar út þrjú ný lög á síðasta ári sem öll fóru í spilun á útvarpsstöðum landsins ásamt því að fara í tónleikaferðalag með hljómsveit sinni til Bandaríkjanna og vinna þar til tveggja verðlauna í kántrítónlistarkeppni, söngvari ársins og hljómsveit ársins.
Rúnar tók nýlega ábreiðu af lagi Michael Jackson, hið ódauðlega Billie Jean og gerði lagið að sínu eigin með einstakri útsetningu. Sjáðu útgáfuna í spilaranum hér að neðan:
UMMÆLI