Nígeríski tónlistarmaðurinn Nonykingz hefur sent frá sér nýtt lag og myndband. Lagið er tileinkað Íslendingum og kallast Coffee Lifestyle eða Kaffi Lífstíll. Í laginu fjallar hann um kaffimenningu Íslendinga og ástina sem íslenskt fólk ber til kaffis.
Nonykingz er búsettur á Akureyri og myndbandið er tekið upp í bænum. Nonykingz semur allskonar tónlist en markmið hans er að nota tónlistina til þess að tengja fólk frá Afríku við restina af heiminum. Lagið Coffee Lifestyle er unnið í samstarfi við Rúbín kaffi. Hægt er að hlusta á lagið og horfa á myndbandið við það í spilaranum hér að neðan en það má einnig nálgast lagið á Spotify.
UMMÆLI