Líkt og Kaffið hefur áður greint frá þá tryggði Menntaskólinn á Akureyri sér sæti í úrslitum Gettu betur á dögunum.
Í gærkvöldi kom svo í ljós hverjum þeir mæta í úrslitaviðureigninni þegar Menntaskólinn við Hamrahlíð sigraði Menntaskólann í Reykjavík í undanúrslitum spurningakeppninnar.
MH og MA mætast því í úrslitum Gettu betur sem fram fara í Háskólabíói fimmtudaginn 27. mars næstkomandi og verður í beinni útsendingu á RÚV.
Þessi grein er skrifuð af Guðmari Gísla Þrastarsyni, nemanda í Verkmenntaskólanum á Akureyri
