Í samstarfi við Fasteignasölu Akureyrar birtum við eignina Goðabyggð 16.
Mjög fallegt, rúmgott og mikið endurnýjað 7 herbergja einbýlishús á Brekkunni, Akureyri. Húsið er samtals 219,2 fermetrar að stærð, þar af er bílskúr. Eignin er byggð á pöllum og hefur nýlega verið mikið endurnýjuð, m.a. eldhús, aðalbaðherbergi og snyrting á efri hæð.
Á neðstu hæð er stórt nýlega endurnýjað baðherbergi með dökkum flísum á gólfi og ljósum á veggjum, baðkari, stórri sturtu með glervegg, hvítri innréttingu, tvöföldum skáp og golfhita. Þvottahús er með flísum á gólfi og veggjum og bekk með góðum skolvaska. Einnig er þar mjög góð geymsla og stórt svefnherbergi með gólfdúk á gólfi.
Á öðrum palli er stórt herbergi með parketi, geymslu/búri og snyrtilegum bílskúr með hillum og vinnuborði. Sérinngangur er baka til.
Aðalhæðin er með forstofu með flísum og gólfhita. Tvær afar rúmgóðar stofur með niðurlímdu parketi og opnu rými á milli. Eldhúsið er opið og rúmgott, nýlega endurnýjað með hvítri innréttingu, ljósum steinborðplötum (kvarts) og heimilistækum úr stáli.
Á efsta palli eru þrjú svefnherbergi með parketi og fataskápum í tveimur þeirra. Snyrting er með ljósum flísum á veggjum, dökkum á gólfi og einum vegg, hvítri innréttingu með steinborðplötu og góður spegill ofan við.
Garðurinn er stór með steyptri verönd framan við húsið og hellulagðri verönd með skjólveggjum.
Ýmsar upplýsingar:
· Bílskúr, nýleg bílskúrshurð með inngangshurð, auðvelt að ganga um
· Nýlegar sérsmíðaðar innréttingar að verulegu leyti
· Nýtt rafmagnsinntak
· Endurnýjaðar frárennslislagnir úr húsinu
· Ýmis konar verslanir og þjónustustarfsemi í hverfinu
· Stutt í skóla og leikskóla
· Steypt verönd framan við húsið og önnur með skjólveggjum.
· Yfirfarin hitaveitugrind, skipt um þrýstijafnara
· Óupphituð útigeymsla undir verönd
Opið hús fimmtudaginn 20. febrúar kl. 17:00.
Ásett verð: 121.900.000 kr.
Fyrir frekari uppplýsingar eða til þess að bóka skoðun hafið samband í 773-5100, arnar@fastak.is
