Jón Ólafur Halldórsson vörustjóri og Kári Kolbeinsson deildarstjóri hjá Smith & Norland fóru í heimsókn í skólann og færðu rafdeild VMA að gjöf tuttugu stýrikassa.
„Guðmundur Geirsson kennari í rafiðngreinum segir það hafa verið mikla og góða himnasendingu að fá þessa stýrikassa frá Smith & Norland. Þeir nýtist sérstaklega vel í áfanganum Raflagnir 5, næst síðasta raflagnaáfanganum í náminu í rafvirkjun, en þar er farið í eitt og annað sem tengist raflögnum og töflusmíði. Rafdeild átti tíu slíka skápa en Smith & Norland gaf henni tuttugu kassa til viðbótar. Þetta segir Guðmundur að breyti öllu í kennslunni því í stórum námshópum geti nú allir nemendur unnið með sinn stýrikassa,“ segir á vef skólans.
Jón Ólafur þekkir sérstaklega vel til rafdeildar VMA því auk þess að starfa hjá Smith & Norland er hann formaður sveinsprófsnefndar í rafvirkjun. Hann er því fastagestur í skólanum þegar verðandi rafvirkjar þreyta sveinspróf.
UMMÆLI