Í dag brautskrást 24 kandídatar af tveimur fræðasviðum Háskólans á Akureyri. Þar af eru sex að brautskrást úr grunnnámi og 18 úr framhaldsnámi.
Laugardaginn 15. febrúar 2025 verður þeim kandídötum sem brautskrást í dag fagnað sérstaklega á Vetrarbrautskráningarathöfn Háskólans á Akureyri. Sú athöfn er ætluð kandídötum sem brautskrást í dag sem og þeim sem munu brautskrást í febrúar 2025. Hér má nálgast helstu upplýsingar um athöfnina.
Háskólinn á Akureyri brautskráir einnig kandídata frá Háskólasetri Vestfjarða en kennsla í haf- og strandsvæðastjórnun og sjávarbyggðafræði fer þar fram. Af þeim 18 sem brautskrást úr framhaldsnámi eru 12 að ljúka námi við Háskólasetur Vestfjarða.
Eins og áður sagði brautskrást 24 kandídatar í dag:
Heilbrigðis-, viðskipta- og raunvísindasvið
- Tveir kandídatar úr líftækni BS
- Einn kandídat úr viðskiptafræði og sjávarútvegsfræði BS
- Einn kandídat í auðlindafræði MS
- Einn kandídat í heilbrigðisvísindum MS
- Sex kandídatar í haf- og strandsvæðastjórnun MRM
Hug- og félagsvísindasvið
- Einn kandídat úr sálfræði BS
- Einn kandídat úr kennarafræði BEd
- Einn kandídat úr lögreglufræði fyrir verðandi lögreglumenn, diplóma
- Einn kandídat úr lögfræði ML
- Einn kandídat úr heimskautarétti LLM
- Tveir kandídatar úr heimskautarétti MA
- Sex kandídatar úr sjávarbyggðafræði MA
Kandídatar fá prófskírteini sín send á lögheimili sitt á næstu dögum.
UMMÆLI