Hjónin Harpa og Sigþór hafa hrundið af stað hlaðvarpinu Sirpan og er fyrsti þáttur kominn út. Þar ræða þau saman um allt milli himins og jarðar þar á meðal sambandið þeirra, sambönd almennt, foreldralífið og raunar lífið sjálft. Glöggir lesendur sjá að nafn þáttarins eru nöfn þeirra hjóna blandað saman.
Harpa vakti fyrst athygli á TikTok með vikulegum stefnumótum þar sem hún og eiginmaður hennar krydda upp á samband sitt en ásamt því hefur Harpa farið reglulega á „stefnumót“ með þekktum einstaklingum á vegum Kaffisins.
„Við höfum verið að gera vikuleg stefnumót en við erum í raun að taka það skrefinu lengra með þessu og hleypa fólki enn nær“ segir Harpa.
Hér að neðan má svo hlusta á fyrsta þátt þeirra hjóna.
UMMÆLI