Aðalfundur Markaðsstofu Norðurlands var haldinn á Verbúðinni 66 í Hrísey síðasta fimmtudag. Talsverðar breytingar urðu á stjórn félagsins þegar kosið var í lausar stöður, en eitt sæti var laust á Norðurlandi vestra og eitt á Norðurlandi eystra. Kosið er í hvert sæti til tveggja ára. Þetta kemur fram á heimasíðu MSN.
Á Norðurlandi vestra barst eitt framboð, frá Erni Arnarsyni sem hefur verið í stjórn undanfarin ár.
Taldist hann því sjálfkjörinn og verður áfram í stjórn næstu tvö ár hið minnsta.
Á Norðurlandi eystra bárust þrjú framboð. Edda Hrund Skagfield Guðmundsdóttir frá Berjayja Akureyri, Helga Nína Helgadóttir frá SBA og Jónas Þór Karlsson frá Sýsla ferðum gáfu kost á sér. Niðurstaða kosningar var sú að Edda Hrund hlaut flest atkvæði, og kemur hún því inn í stjórn næstu tvö ár hið minnsta.
Á fundinum var einnig tilkynnt að nýr fulltrúi kæmi inn fyrir hönd SSNV í stjórn, en það er Katrín M. Guðjónsdóttir framkvæmdastjóri SSNV.
Tvö framboð bárust um varamenn í stjórn, frá Tómasi Árdal hjá Arctic Hotels og Þorbjörgu Jóhannsdóttur frá Höldi. Bæði voru þau varamenn áður og þar sem engin önnur framboð bárust voru þau sjálfkjörin til eins árs.
Sigrún Huld Sigmundsdóttir frá Berjaya hótelum lauk á fundinum setu sinni í stjórn MN til fjögurra ára.
Ný stjórn er því eftirfarandi:
Viggó Jónsson -Drangeyjarferðir
Sara Sigmundsdóttir – Elding Hvalaskoðun
Ármann Örn Gunnlaugsson – GeoSea
Örn Arnarson – Hótel Laugarbakki
Edda Hrund Skagfield Guðmundsdóttir – Berjaya hótel
Fulltrúi SSNE er Hilda Jana Gísladóttir.
Fulltrúi SSNV er Katrín M. Guðjónsdóttir.
Varamenn: Tómas Árdal – Arctic Hotels og Þorbjörg Jóhannsdóttir – Höldur.
UMMÆLI