Dalvíkingurinn Viðar Logi Kristinsson er á lista yfir 30 einstaklinga yngri en 30 ára sem hafa náð hvað mestri velgengni á sviði lista og menningar í Evrópu árið 2024. Viðar spjallaði við Vísi um árangurinn sem hann segir súrealískan.
„Það er sérstaklega súrrealískt fyrir millistéttarstrák frá Dalvík að vera á lista meðal þessara brautryðjenda,“ segir Viðar Logi í samtali við Vísi.
Í umfjöllun Vísis kemur fram að Viðar Logi hefur unnið náið með tónlistarkonunni Björk Guðmundsdóttur á undanförnum árum og meðal annars myndað forsíðumynd fyrir plötu hennar Fossora. Hlaut myndin tilnefningu sem plötuumslag ársins á Íslensku tónlistarverðlaununum. Sömuleiðis hefur hann skotið tónlistarmyndbönd Bjarkar og séð um listræna stjórnun.
UMMÆLI