Áform voru rétt í þessu samþykkt sem kveða á um að byggja eigi jarðgöng milli Árskógssands og Hríseyjar. Áætlað er að hefja framkvæmdir næsta haust og verða göngin tekin í notkun sumarið 2026. Þetta kemur fram í tilkynningu.
Um er að ræða talsverða framkvæmd en göngin munu liggja undir sjó og verða um fjögurra kílómetra löng. Áætlaður kostnaður er um 10 miljarðar króna en Guðmundur Þórmundur Ævarsson, forstjóri Eyjafjarðarganga ehf., segir peninginn vel þess virði: „Æ, mér finnst bara svo mikið vesen einhvern veginn að fara í þessa ferju,“ sagði hann í samtali við fréttaritara: „Svo hættir ferjan líka að ganga löngu áður en pöbbinn lokar, svo það er ekki nógu gott heldur.“
Eins og áður segir verða göngin opnuð sumarið 2026 samkvæmt áætlun og munu þau þá taka við áætlunarferðum Hríseyjarferjunnar Sævars sem sinnt hefur samgöngum út í eyjuna hingað til.
UMMÆLI