Dagskráin fyrir bæjarhátíðina Ein með öllu er farin að taka á sig mynd. Hátíðin fer fram á Akureyri yfir Verslunarmannahelgina. Norðlenska tónlistarfólkið Ragga Rix, Birkir Blær og Rúnar Eff eru á meðal þeirra sem koma fram á hátíðinni. Kata Vignis verður kynnir hátíðarinnar.
Páll Óskar, Friðrik Dór, Herra Hnetusmjör og Emmsjé Gauti munu einnig mæta til Akureyrar og skemmta gestum og gangangi. Þá verður sett upp Sprell Tívólí og Mömmur og möffins verða á sínum stað.
Súlur Vertical hlaupið fer fram um Verslunarmannahelgina og það verður einnig boðið upp á Súlur Vertical fyrir börn í Kjarnaskógi.
Margt annað verður í boðið en nánar má lesa um hátíðina á vef Einnar með öllu með því að smella hér.
UMMÆLI