Eva Wium Elíasdóttir og Dúi Þór Jónsson voru valin bestu leikmenn á lokahófi körfuknattleiksdeildar Þórs sem fór fram í félagsheimilinu Hamri í síðustu viku.
„Á lokahófinu voru samankomnir leikmenn og þjálfarar meistaraflokkanna, stjórnarmenn, sjálfboðaliðar og aðrir velunnarar, sem skemmtu sér vel og gæddu sér á góðum grillmat. Þrátt fyrir að gengi liðanna á nýafstöðnu tímabili hafi verið undir væntingum var hægt að gleðjast yfir mörgu. Bæði meistaraflokksliðin ung og efnileg og munu gera harða atlögu að úrvalsdeildarsæti á næstunni,“ segir á vef Þór.
Viðurkenningar voru veittar fyrir bestu og efnilegustu leikmenn. Eva Wium var útnefnd besti leikmaðurinn í meistaraflokki kvenna og Emma Karólína Snæbjarnardóttir var valin efnilegust. Hjá körlunum var Dúi Þór valin bestur og Ólafur Snær Eyjólfsson efnilegastur.
Loks var tekinn upp sú hefð á lokahófinu að veita leikmönnum sem spilað hafa 100 meistaraflokksleiki fyrir Þór sérstaka treyjur af þessu tilefni. Heiða Hlín Björnsdóttir, Rut Konráðsdóttir og Ragnar Ágústsson fengu umræddar treyjur að þessu sinni.
UMMÆLI