Helgin gekk vel hjá lögreglunni miðað við fjöldann

Mynd: Facebook-síða lögreglunnar

Nú er nýlokið einni mestu ferðahelgi sumarsins, en mjög margir lögðu leið sína til Akureyrar til að taka þáttí fjölda viðburða. Á KA-svæðinu fór fram N1 mót fyrir 5 flokk í knattspyrnu meðan eldri menn og konur spreyttu sig í fótbolta á Pollamótinu sem fram fór á Þórssvæðinu.

The Color Run var svo haldið á laugardaginn þar sem hátt í 3000 manns hlupu um bæinn. Í tilkynningu sem lögreglan sendi frá sér á Facebook kemur fram að í heildina litið hafi helgin gengið mjög vel.