Sundlaug Akureyrar er að taka miklum breytingum
Ekki mun takast að opna nýju rennibrautirnar í Sundlaug Akureyrar fyrir eina stærstu ferðahelgi ársins eins og stefnt hafði verið að en reikna má með að þær verði opnaðar um miðjan júlímánuð í stað byrjun mánaðarins.
Reikna má með miklum mannfjölda til Akureyrar í næstu viku í tengslum við N1 mót KA (5.-8. júlí) og Pollamót Þórs (7.-8. júlí)
Að sögn Ingibjargar Isaksen, formanns umhverfis- og mannvirkjaráðs Akureyrarbæjar, liggur nákvæm dagsetning ekki fyrir að svo stöddu en hún verður auglýst von bráðar að því er fram kemur í frétt Vikudags.
Stefnt er að því að aðrar endurbætur klárist fyrir mánaðarmótin ágúst-september en auk rennibrautanna koma nýir heitir pottar og nýtt sólbaðssvæði auk þess sem köldum potti og nýjum leiktækjum verður bætt við.
Sjá einnig
Heildarkostnaður við endurbætur á Sundlaug Akureyrar meiri en upphaflega var reiknað með
UMMÆLI