Kolbeinn Höður Gunnarsson
Kolbeinn Höður bættist í gær í hóp þeirra Akureyringa sem hafa unnið sér inn gullverðlaun á Smáþjóðaleikunum í San Marínó. Kolbeinn sigraði 200 metra hlaupið með tímann 21,20 sek. Kolbeinn var einnig í sveit Íslands sem sigraði 400 metra boðhlaupið og setti Íslandsmet.
Kolbeinn lenti í því óhappi að þjófstarta í 100 metra hlaupinu en hann lagði af stað 0,089 sekúndum eftir að ræsirinn skaut úr byssu, löglegt er að leggja af stað 0,1 sekúndu eftir byssuskotið. Það mátti því ekki á tæpara standa. Kolbeinn hafði fyrir það verið fljótastur af öllum í undanrásum.
Kolbeinn hefur verið að gera góða hluti undanfarið en fyrr í vetur sló hann Íslandsmetið í 200 metra hlaupi á Háskólamóti í Bandaríkjunum.
UMMÆLI