Elska ekki allir pizzu?
Við á Kaffinu höldum áfram að kanna verð á hinum ýmsu nauðsynjum á Akureyri. Að þessu sinni ákváðum við að gera óformlega könnun á 16 tommu pizzu með þremur áleggstegundum á Akureyri.
Könnunin fór fram föstudaginn 31. mars þegar pantað var stóra pizzu með skinku, pepperoni og ananas á 5 pizzustöðum í bænum. Könnunin miðast við að pizzan sé sótt. Í ljós kom að verðið er mjög svipað en það munar aðeins 200 kr á hæsta og lægsta verði.
Hæsta verðið var á Bryggjunni en þar kostar stór pizza með skinku, pepperoni og ananas 2100 kr. Ódýrustu pizzuna færðu hinsvegar hjá Nætursölunni en þar kostar hún 1900 kr.
Bryggjan – 2.100 kr.
Dominos – 2015 kr.
Spretturinn – 1990 kr.
Greifinn – 1990 kr.
Nætursalan – 1900 kr.
UMMÆLI